Nagari Sitalang 's Blog

SITALANG POTENSI YANG TERBUANG

Nagari Sitalang — Sun, 16 Oct 2011 00:38:53 +0000

Nagari Sitalang adalah suatu Nagari yang terletak di perdalaman Kabupaten Agam, dengan jarak lebih kurang 200 km dari Ibu Kota Propinsi Sumatera Barat Padang. Letak yang jauh dari ibu kota propinsi tidak membuat masyarakat Nagari Sitalang terbelakang, malah sebaliknya keadaan masyarakat Nagari SItalang sangat maju dari segi informasi, karena berbagai sarana informasi telah dimiliki oleh masyarakat Sitalang, seperti VCD, TV dengan parabola, HP, dan tidak sedikit masyarakat sitalang yang selalu online di internet (facebook).
Tak adalah masalah untuk menyampaikan informasi dari Sitalang ke perantauan atau sebaliknya. Tetapi apakah sarana informasi tersebut sudah berfungsi untuk memajukan ilmu pengetahuan masyarakat Nagari Sitalang, hanya sedikit yang bisa menjawab “Ya”.
Orang Sitalang bukanlah yang berdomisili di Nagari Sitalang saja, tetapi juga yang berada di rantau. Anak nagari Sitalang yang berada di rantau, lebih banyak mengetahui hal-hal baru, lebih banyak menimba ilmu yang tinggi, lebih banyak berpengalaman. Sedangkan anak sitalang yang berada di Nagari Sitalang mempunyai beribu keterbatasan yang menimba ilmu dan mempunyai pengalaman yang sedikit. Keterbatasan sarana pendidikan dan didesak oleh kebutuhan yang tinggi sehingga permasalahan ilmu pengetahuan dan teknologi sering terabaikan.
Bukan berarti tidak ada anak Sitalang yang berada di Nagari Sitalang yang tidak berhasil, malah banyak. Namun ironinya, keberhasilan itu hanya suatu sarana untuk mendapatkan pergi merantau ke negeri orang dan tinggallah Sitalang dengan kekosongannya lagi.
Suatu kerinduan di Nagari Sitalang dimana anak Sitalang dapat secara bersama-sama saling bantu mengarahkan anak-anak menuju anak-anak yang berilmu berakhlak, beriman dengan berbagai kegiatan yang dari Rantau dan Sitalang, berpadunya anak rantau dengan anak nagari yang di kampuang.
Sudah waktunya sekarang anak-anak Sitalang yang berada di rantau untuk menoleh melihat ke kampung, memperhatikan keterbelakangan, yang membuat mundurnya Nagari Sitalang (Irw)

AROK-AROK CAMEH MANANTI ULURAN TANGAN

Nagari Sitalang — Sat, 11 Jun 2011 13:54:05 +0000

Belajar Tiada Henti Walau Mesjid Roboh

Kondisi Masjid Jamiak Sitalang

Tanggal 6 Juni 2011

Para murid TPQ mesjid Jamiak Sitalang berfose di depan bangunan mesjid yang belum siap. Mesjid Jamiak tempat belajar murid-murid hancur dihoyak gempa yang berkekuatan 8,2 SR. Dengan harapan harap-harap cemas murid-murdi tersebut mengharapkan uluran tangan para dermawan yang beriman dan bertaqwa yang berada di perantau, supaya terketuk hatinya mau mengulurkan tangan membantu pembangunan mesjid dengan menyisihkan rejeki.

Kondisi Mesjid Jamiak Setelah Diganti

Keterbatasan kemampuan dan dana masyarakat Sitalang mengakibatkan lambatnya pembangunan mesjid Jamiak Sitalang. Namun berkat uluran tangan dari para perantau dan para dermawan yang tak putus-putusnya serta kemauan dan tekat yang kuat dari Panitia pembangunan mesjid sehingga Mesjid Jamiak Sitalang. Panitia Pembangunan Mesjid tak henti-hentinya mengimbau dan memohon bantuan dari para perantau untuk bahu-membahu dalam menyandang amal baik ini, yaitu menegakkan rumah Allah ini. Moga kerja keras yang tak henti-hentinya ini dapat membuka hati para dermawan untuk tidak bosan-bosan menyalurkan infak sadakah guna pembangunan mesjid yang menjadi ikon pendidikan agama di Nagari Sitalang ini.

Mesjid Jamiak Harapan Masyarakat Sitalang

Kondisi Tempat Shalat di Mesjid Jamiak

Nan Jauah Nan Takana

Nagari Sitalang — Fri, 01 Apr 2011 13:19:10 +0000

alek-alek an

“bilo dikana, tantu dikana malah di denai tabayang-bayang.. ” lagu tu nan taraso taruih, takana jo kampuang halaman, tampek bamain katiko kaciak, tampek balari samo gadang, tampek maisi wakatu katiko sanjo.. Sitalang itulah kampuang den, kampuang nan sajuak bilo dipandang dilingka bukik bukik barusan, nan mailia batang aia batang sitalang, tampek mandi sabalun sikola agamo, tampek bamain engok-engok an,

kok takana jo lubuk panjang babatu gadang diulunyo tampek manyilam kabawah batu, kok nampak diurang tuo-tuo baliau bangih ka pado kami, sabaok manyilam mengundang bahayo kok tasapit di bawah batu indak ado urang ka manolong, itulah lubuak panjang tantang pang ampek.

Nagari Sitalang — Tue, 07 Dec 2010 13:57:02 +0000

Rasulullah saw. bersabda, “Aku tidak menyuruh kamu membangun masjid-masjid untuk kemewahan (keindahan) sebagaimana yang dilakukan kaum Yahudi dan Nasrani.” (HR Ibnu Hibban dan Abu Dawud)

Pembangunan Mesjid Jamiak dengan Gotong Royong

Nagari Sitalang — Sun, 07 Nov 2010 00:49:09 +0000

Gotong Royong Membangun Mesjid

Rangka Mesjid Jamiak Sitalang

Dalam surat Al ‘Ashr

waal’ashri

[103:1] Demi masa.

inna al-insaana lafii khusrin

[103:2] Sesungguhnya manusia itu benar-benar dalam kerugian,

illaa alladziina aamanuu wa’amiluu alshshaalihaati watawaasaw bialhaqqi watawaasaw bialshshabri

[103:3] kecuali orang-orang yang beriman dan mengerjakan amal saleh dan nasehat menasehati supaya mentaati kebenaran dan nasehat menasehati supaya menetapi kesabaran.

Dengan membaca ayat ini hendaknya kita bisa merenung apa diwajibakan kepada kita sebagai orang beriman, diantaranya bernasehat dalam kesabaran dan kebenaran untuk mewujudkan hal tersebut, cara dengan mendirikan Mesjid tempat menggenerasikan nasehat tersebut, supaya pada masa yang akan datang anak-cucu di Nagari Sitalang selalu dapat nasehat dan ajaran agama, dan dengan demikian mereka terhindar dari kekafiran dan kejamnya dunia setan.

Sitalang Butuh Bantuan

Nagari Sitalang — Fri, 05 Nov 2010 05:35:40 +0000

Gempa 30 September 2009 meruntuhkan Mesjid Jamiak Sitalang yang berada di Kp. Batuang Sitalang, sehingga masyarakat berusaha membangun kembali mesjidnya yang runtuh tersebut. segala usaha untuk mendapatkan dana sudah dicoba sedikit-demi sedikit dana terkumpul, sehingga dapat membangun pondasi dan tiang mesjid, namun pembangunan tidak cuma seperti itu.

Mesjid Jamiak Sitalang

Nagari Sitalang — Tue, 16 Mar 2010 13:09:03 +0000

PANITIA PEMBANGUNAN MESJID JAMI`
NAGARI SITALANG KECAMATAN AMPEK NAGARI
KABUPATEN AGAM-SUMBAR

Sitalang, 09 Oktober 2009
Nomor : 03/ MJ/ STL /10- 09
Lamp : Proposal
Hal : Mohon Bantuan Dana

Kepada Yth:
Bapak Ibu/ Sdr / I :Muslimin dan Muslimat

Di
Tempat

Assalamualaikum,Wr.Wb.

Sebelumnya kami mendo`akan Bapak/Ibu/Sdr/i semoga berada dalam keadaan sehat wal `afiat, sehingga dapat melaksanakan tugas sehari- hari. Amiin.

Sehubungan dengan telah rusak beratnya kondisi bangunan Mesjid jami` Nagari Sitalang disebabkan gempa bumi yang terjadi di Sumatera Barat pada hari Rabu tanggal 30 September 2009, sehingga Mesjid jami` tidak dapat difungsikan sebagaimana mestinya, sehingga perlu dibangun kembali.

Untuk itu kami bermohon kepada Bapak/Ibu/Sdr/I semoga dapat memberikan bantuan Dana , agar Pembangunan Mesjid kita berjalan lancar dan sukses. Adapaun dana yang dibutuhkan untuk Pembangunan ini adalah Rp.412.597.791 (Empatratus dua belas juta lima ratus sembilan puluh tujuh ribu tujuh ratus sembilan puluh satu rupiah) sebagaimana gambar dan RAB.terlampir. Bantuan yang diberikan dapat dikirimkan langsung melalui rekening Panitia Pembangunan Mesjid Jami` Nagari Sitalang no: 3543-01-015413-53-2 BRI UNIT: Lubuk Basung.

Demikianlah permohonan ini kami sampaikan besar harapan kami kiranya Bapak/Ibu/Sdr/i. bermurah hati untuk memberikan bantuan dana demi terlaksananya Pembangunan Mesjid kita tersebut. Atas perhatian dan bantuan yang diberikan kami aturkan terima kasih, semoga menjadi ibadah disisi Allah SWT.

PANITIA PEMB.MESJID JAMI` NAGARI SITALANG
KETUA dan SEKRETARIS

MARTONO.IMAM SINARO,S.Ag dan IRMAN LUTHFI, SPd

TURUT BERMOHON: MENGETAHUI :
PENGURUS MESJID JAMI`

SYAHRIL, Amd.

WALI NAGARI SITALANG

APRIZAL EFFENDI.TK.SUTAN

CAMAT AMPEK NAGARI

Drs. WELFIZAR, MSI
NIP:197406061993031002

Mesjid Jamik “Mesjid Nagari” Sitalang Butuh Sumbangan

Nagari Sitalang — Tue, 16 Mar 2010 11:12:07 +0000

Mesjid Sebelum Diruntuhkan

Akibat goncangan gempa pada tanggal 30 September 2009 yang lalu Mesjid Jamiak Nagari Sitalang terpaksa harus dirobohkan, hal ini dilakukan oleh masyarakat untuk menghindari Mesjid roboh sendirinya karena kondisi Mesjid Jamiak Sitalang tidak memungkinkan lagi untuk tempat melaksanakan Shalat berjamaah dan pengajian lainnya. Goncangan gempa mengakibatkan Mesjid Jamiak retak di sana sini, kalau dibiarkan akan mengakibatkan membahayakan bagi penduduk sekitarnya. Maka masyarakat Sitalang merencanakan merobohkan Mesjid dan membangun kembali Mesjid yang telah berusia ratusan tahun tersebut.

Mesjid Jamiak Sitalang Sudah Mulai Direnovasi

Pembangunan Mesjid Jamiak Sitalang akan menelan biaya yang sangat besar, tak mungkin mesjid akan berdiri kembali tanpa ada dukungan dari berbagai pihak. Masyarakat Sitalang sangat mengharapkan kerja sama dengan semua pihak baik pribadi, kelompok, perantau untuk dapat menyisihkan sebagian hartanya untuk menghidupkan Si’ar Islam di Nagari Sitalang yaitu dengan ikut serta menyumbang baik tenaga atau biaya, sehingga pembangunan ini dapat terealisasi dengan cepat.

Pasa Baru Nagari Sitalang

Nagari Sitalang — Thu, 04 Mar 2010 13:58:48 +0000

Pasa nagari sitalang lah lamo ndak ado, kini lah dibangun pasa baru di tampek nan lamo, jo dana PNPM Th. 2009

Renovasi Pasa Sitalang

Mungkin jo adonyo renovasi ko urang kampuang awak bisa manggaleh baliak mancari aa nan kadiparaluan sahari-hari. Manggaleh hasia parak jo sawah. Buliah maningkek panuah kampia-kampia pitih urang kampuang.

Pasa Sitalang

MINTAK LAPEH

Nagari Sitalang — Fri, 26 Feb 2010 01:49:53 +0000

Ditulis Oleh : I St. Sinaro

ALEK
Maa nyo Sutan Sinaro?.-

PANGKA
Ambo ……

ALEK
Iyo kabakeh Sutan juo sambah dipuhunkan.-

PANGKA
Manitahlah!.-

ALEK
Wallau diawa kalam tadi, dek sambah ambo nan sabarih, dek kato ambo nan sapatah, muluik tatabua ka nan rapek, sambah taserak ka nan rami.- Tansano ambo bakato di nan lai, ado taracak dilimbago tatonggak dipusako; manabang lai dipangka, manjuluak lai dibuah, bakato lai di nan bana, lakeklah tuah di nan banyak.—- Tapi kok bakato di nan tidak: Malu tatumpah pado ambo, arang tacoreang pado kaniang, bakipeh paluaah didado, bakumpua darah kajantuang, buruak barito dinagari.—–
Taapi samantangpun nan bak kian: Ampunllah ambo dek Panghulu, Panghulu banyak nan sati, urang gadang banyak batuah, bago marusuak tampek lalu, nan dituju kaitu juo.—- Takalo sumua kadikali, takalo rantiang kadipatah; Pangulu badiri dinagari, mambangun Adat jo Pusako, maadokan barih jo balabeh, manyusun cupak dengan gantang.- Dek Adat nan mamakai, Pusako tingga marunggoi, cupak tatagak, utang maisi.—- Sungguahpun iyo nan saganok itu dek silang nan bapangka karajo nan bapokok, dicarilah bulek nan sagolong, picak nan satapiak.- Buleklah dapek digolekkan, picak lah dapek dilayangkan; mako dilapeh nan bujang nan mudo-matah, nan tau nan cadiak-pandai.- Kok jauah dilayangkan surek, kok hampia dilayangkan siriah.—- Kamujran dek silang nan bapangka namonyo : Jauah disaru alah datang, hampia dipanggia alah tibo, samolah barhadir diateh rumah nangko.—- Kamujuran dek kami sialek-jamu: Kok datang lah babukakkan pintu, duduak-lah bakambangkan lapiak, litak lah bahidangkan nasi, awih lah batuangkan aiya; indak kan upek nan katibo, antah kok puji nan kabuliah.-
Ba-a sakarang iko kini: Nan bak ibaraik buruang pipik Stan. Tabang babega diudaro, balunta-lunta jo kabuik, babentan-bentan jo awan; puweh malayang nyo malayok, sudah maningginyo marandah, tabang kapadang ribu-ribu, iyo karimbo nan satumpak. —- Sadang mamakan buah rumpuik, litak laeh awihpun tibo, lalu disasok ambun nan satitiak, sajuak nan bukan alang-alang, bak paneh ditimpo rinai.- Mambayang-bayang kamuko, mancayo kau tak banak.- Sanang hati bukan kapalang, pareso maruwang tubuah, siaik anggoto katujuahnyo.- Dek lah sudah minum jo makan; mungkasuik bana dalam hati, nak manjalang pinang nan sabatang, manuruik sarang batinggakan, pulang ka-asa daulunyo….Ma-nyo St. Sinaro ?.-

PANGKA
Sampaikan Sutan !.-

ALEK
A-lah nan manjadi kasampurnaan sambah nan tatunggang kapado Sutan: Karano balaaiya lah sampai kapulau, bajalan lah sampai kabateh; kok taganang alah bapamatang, mailia alah bamuaro, nan dimungkasuik lah sampai nan diama lah pacah…. Ndak do lai; kok duduak lah nak maurak selo, kok tagak lah nak mahayun langkah, baganjua suruik kapangkalan, sabondong pulang banagari… Mohon dilapeh jo hati nan suci jo muko nan janiah, sakito sambah pado Sutan.-

PANGKA
Lah sampai dek St. Maruhun ?.-

ALEK
Sakiro-kiro…..

PANGKA
Titah jo sambah dari muluik, karangan hati sanubari, barih balabeh kadituruik, ampun jo rila pamanuahi.— Kinilah datang sambah jo titah dari Sutan, yaitu duduak lah nak maurak selo tagak lah nak mahayun langkah, baganjua suruik kapangkalaan, sabondong pulang kanagari, kan iyo baitu, St ?.

ALEK
Sabananyo…..

PANGKA
Sasuai bak papatah Sutan juo : Dima biyawak tajun, sinan anjiang manyalak, dima tuga tahantak, sinan tinaman tumbuah.- Mako nak-nyo janiah bak dibasuah, nak-nyo tareh bak ditampi, saiyah kagugua dari tampuak, nyato kalakang dari kulik, mananti Sutan Sakutiko, nak dianta rundiang ka-nan banyak…..

ALEK :
Mananti ambo.-

PANGKA
Sutan Maruhun?…..

ALEK
Manitahlah !.-

PANGKA
Sambah kumbali pado Sutan.-

ALEK
Kaapado Allah….

PANGKA
Ruponyo parundingan nan kabakumbalikan kabakeh Sutan: Karano kok dapek surang dibulekti dapek basamo dipaiyokan.- Satantang kabanaran nan tatumpah kabakeh ambo tadi, alah ambo bao bakato baiyo bajalan bamulah, mencari bulek nan sagolong.- Gantiang putuih biang katabuak, ambo antakan kabakeh Sutan.—- Mako taradok pintak jo pinto pihak sialek; karano nan dimungkasuik alah sampai, nan diama alah pacah, kini, duduaklah nak maurak selo, kok tagak lah nak mahayun langkah …. Kan iyo baitu bunyi panitahan Sutan ?.

ALEK
Yooooolah…..

PANGKA
Kok itu, iyo jalan nan pasa nan batampuah, kato nan bana nan basabuik.- Alah dilaeh lakek atok, alah dirasuak manjariau.—- Akan tatapi sungguahpun iyo nan baitu; ruponyo antaro ambo jo Sutan, sairiang indak satujuan, sabiduak indak sahalun, saiyo balain ujuik.- Aratinyo bana: Kok nan dimungkasuik iyo lah sampai, nan dicito iyolah dapek.- tapi nan diama alun lai pacah.- Kalau nan manjadi niat jo nasa kami : “Disiko kito samalamko, bisuak pagi nak kami lapeh”… Itu mangko sanang hati sipangka, pulang maklum pado Sutan.—-

ALEK
Lah sampai dek Sutan Sinaro?.-

PANGKA
Dibilang alah.-

ALEK
Ruponyo taradok kabanaran ambo nan tatabua ka nan banyak, nan talewa kamajilih di rumah nangko; dek Sutan urang nan arih-bijaksano, urang nan cadiak candokio, kok satitiak alah balawikkan, sakapa alah bagunuangkan… Tu-mah, lah bapaedakan ka nan rapek, baduduakkan kaurek-taguah, basandakan kabatang-gamppa, batatiangkan ka Niniak Mamak…. Mako, kok tanamo maninjau, Sutan lah tagak dipuncak bukik, kok tanamo manyilau, alah lah duduak dilurah dalam.- Sajuklak bana dalam hati Stan; sajuak nan bagai dipalali, raso manetek aka-lundang, raso basiram aiya-rimbo.—- Sapihak pintak jo pinto kami nan tapuhun kabakeh Sutan: Karano sumbayang nan bawakatu alek nan bakutiko; kok duduak lah bak raso paniang. Tagaklah baraso panek, kami lah nak mahayunkan langkah.—- Kiniko dek sutan, kandak lah bakraso kabuliah, pitak lah bakraso kabalaku…. Apolah kato Sutan tadi: “Kok nan dimungkasuik lah sampai; tapi nan diama alun lai pacah”….. Aratinyo nan diama alun lai pacah: Nak manahani kami samalamko, bisuuak pagi nak kami lapeh”…. Kan iyo baitu tadi panitahan Sutan?….

PANGKA
Iyo bana…..
Jauah taibo hati kami, stan
ALEK
Dek Sutan bahayun lalu bagamangkan; bapujuak pagadang tangih, basaok tangah-duo-eto, unjuak nan tidak babarikan. Sabab baa-lah dek baitu: Adopun kadatangan kami kamariko, pai maantakan St. Sarialam … Tak ubahnyo, bak ibaraik maanta rang-balaiya ko-mah Stan: bairiangkan sabateh palabuhan; kapa ranggang langkah baganjua, bararak babaliak pulang.- Nyampang kasamo naiak pulo kaanjuangan; kok nyo oleang kapa dek muatan, tarumuak cando nangkodohnyo, kami nan tidak bakaricih, Stan….
Baa-to nyo lai kini:
Dek capo padi barunduakkan
Kini rabahkan kayu juwa
Dek cako kami baduduakkan
Kini jallehkan jalan kalua
Sakian sambah bakeh Sutan Bandaro…..

PANGKA
Kabakeh Sutan sambah kumbali….

ALEK
Manitahlah !….

PANGKA
Taradok sambah jo titah Sutan nan taserak kabakeh kami sipangkalan, urang nan mairik-marantangkan pakarjaan di rumah nangko: Ibaraik batutualah kami danga, ibaraik mangajilah kami simak.- Lah jaleh ujuik ma-ananyo, lah nyato paham jo tujuan…. Kami ulang sapatah rundiangan sutan: “Dek cako kami lah baduduakkan, kini jalehlah pintu kalua”.- Kan iyo tadi Sutan???…..

ALEK
Sabananyo….

PANGKA
Kok kito kabajawab-batimbang kato, singekek sajo kajawabnyo.-
Jiluwang tumbuah diparak
Sarumpun jo batang puwa
Janjang patah pintu bapasak
Kamano Sutan nak kalua
Kato mintak dibaleh, sambah tolong kumbalikan !!!.-

ALEK
A-yo maa nyo St. Sinaro ?.-

PANGKA
Manitahlah.-

ALEK
Sambah tapulang bakeh Sutan.-

PANGKA
Sampaikan …..

ALEK
Satantang panitahan sutan nan talimpah kabadan diri ambo, iyo pulo tumah kironyo…. Kok ujuik lah ambo pandang, nyariangnyo lah ambo danga; sasak tampek lapang pikiran, barih tassipan dibalabeh, tampan alah patuik tabao.- Izinkanlah ambo manitih batang, papah dek Sutan jo bicaro, ambo nan bukan cadiak-pandai.—- Apolah nan manjadi buah parundiangan Sutan cako, ujuangnyo sajo ambo semba: “Janjang patah pintu bapasak, kamano Sutan nak kalua”. Kan iyo baitu kalaluannyo Stan ???…..

PANGKA
Iyo, itu bana…..

ALEK
Balehnyo pulo dari ambo:
Rabawah jo Kooto tenggai
Manajun taruih ikua-koto
Kato sapatah palang ungkai
Jo muluik-manih turun tanggo
Tolong patenggangkan tantang itu Sutan !!!.—–

PANGKA
Sampai Sutan ?.-

ALEK
Inggo itu dulu….

PANGKA
Ambo ulang kato Sutan tadi…. Ka-ulangnyo pulo dari ambo: “Kato sapatah palang ungkai, jo muluik manih turun-tanggo” Kan iyo baitu bunyinyo Sutan?.-

ALEK
Nndak salah …..

PANGKA
Karano Sutan mangabek jo buhua-sintak, rumuiklah ambo maungkainyo, rasio buhua di nan punyo… Bukan toh kandak ndak babari Stan: Tapi gamang tumbuah cameh kok datang, malapeh Sutan kababaliak.- Ba-a sabab mangko baitu: Harilah laruik tangah malam, bulan tidak bintangpun tidak, ranah jauah nan Kadijalang, jarak panjang nan kadituruik…. Sadangkan bisonyo rimbo bajariang, padang bapinyangek, taluak babuayo.- Iko nan marussuah nan manggamang hati kami, Sutan.—

ALEK
Lah sampai dek Sutan Sinaro?.-

¬PANGKA
Dibilang alah …..

ALEK
Lah tarapak pulo rundiang jo bana dari Sutan…. Ba-a lah bana rundiangannyo, kok tinggi indak tapanjek, lawehnyo ndak taranangi, dijalang raso tak mungkin.— Sabab kok kadikilin ditikam jajak, siyo-siyo utang katumbuah; dikilin jaik kok lapeh, ditikam jajak ko cupua, disimpan sajo dalam barih.—- Jokok dikatokan rimbo bajariang, padang bapinyangek, taluak babuayo, itulah kato sabananyo, tak dapek dibandiang lai.- Tapi Stan: Santano pintak lai kabuliah, kandak lai kabalaku; Insya Allah, nak kalalu karimbo rayo doh.- bukan manampuah padang-hana, atau maranangi taluak jo muaro… Hanyo jalan nan pasa kaditampuah, labuah nan golong kadituruik; Sanangkan hati tantang itu Stan, usah dilapeh duo-hati, kabadan pulo mularaiknyo…. Sakitu sajo sambah ambo….

PANGKA
St. Maruhun?….

ALEK
Sampaikan Stan….

PANGKA
Nnan bak papatah Sutan juo: “Sagadang-gadang kapa ba Nangkodoh, saketek-ketek sampan bakamudi.- Aadat kan saparentah alua, Alam saparentah Rajo, alek saparentah pangka …. Batolong dek Sutan mamanjangkan !.—-

ALEK
St. Sinaro ?….

PANGKA
Manitahlah …..

ALEK
Kapa banangkodoh, sampan bakamudi; alam saparentah Rajo, adat saparentah alua, alek saparentah pangka…. Itulah inyo Adat nan kawi.- Itulah-adat-sabana adat.—- Nan kalau dikikih bahabih basi, dibasuah bahabih aiya, dibubuik tak-nyo mati, dianjak tak-nyo layua, bana tak dapek ditukari…. Tapi sawajah dari pado itu Stan : Cancang kan duo sagaragai, undang kan duo salanggano; partamu syarak paratmu syarak nan mangato adat nan mamakai:
Si Muncak mati tarambau
Kaparak mambao ladiang
Lukolah pao kaduonyo
Adat jo syarak di Minangkabau
Saroman aua dengan tabiang
Sanda basanda kaduonyo
Kok iyo adatla mamakaikan “Alek saparentah pangka”…. Tapi syarak kan ado mangatokan: “Innamal a’malu binniyat” Barang sesuatu pakarjaan itu dimuloi jo niat…. Nan niat kami kamari mahanta marapulai Stan.- Itu nan baamalkan; ko-mah lah tibo kami disiko…. Tapi kurang sasaik-sabalango, alun ado niakik nak bamalam,…. Antah kok issuak lain maso, untuang umua bapanjangkan, tatampuah juo rumah nangko, samo mando’a pado Allah.—- Sakian sambah pado Sutan.- Bunyi nak samo kami danga, jawab sugiro mintak baleh.—-

PANGKA
Lah sampai St. Maruhun? ….

ALEK
Sakadar itu…..

PANGKA
Bana kok undang di nan cadiak, jadi papatah di nan pandai, kabuah muluik di nan mudo: “Adat babuhua sintak, kok syarak babuhua mati”…. Sapanjang pituah sutan tadi; bahampang kami jo Ayat, bahambek kami jo hadis.- Tasasak ruweh kabuku, tasorong bajak kabatu, habih tutua tamaik bicaro, manuruik kami tantang itu.—– Iyolah malang ratak-tangan, ditahan indak tatahan, dilapeh juo nan jadi:
Si Elen si Elipia
Mambelok lau kakilangan
Kabuik pai gunuang katingga
Maratok bukik kapanasan
Sakitu sambah disambahkan, pulang ma-alum pado Sutan.-

ALEK
A-yo ma nyo Sutan Sinaro ?.-

PANGKA
Ambo siko….

ALEK
Nak sumua aiya mambasuik, nak pucuak ulam manjulai…. Nak haluih licinlah datang nak cayo kileklah tibo …. Kato sapatah nan bananti, rundiang sabuah nan batunggu, kini alah Sutan labuahkan, tingga dek kami mamakainkan.- Alhamdulillah kajaweknyo.- Ba-a salampih dari pado itu:
Kain tarawang kilin sangkuik
Kain panjang kasaruang banta
Kok datang kami sutan japuik
Pulangnyo mintak Sutan anta
Bapancarian Tan Bandaro tantang itu ….

PANGKA
St. Maruhun?.-

ALEK
Yoooolah, ambo…..

PANGKA
Dek kuaik saruan pulau, malonjak pelang dikualo, raso kataban ulak-tabiang katangah juo kandak hati….Hujan taduah kabuikpun tarang, ombak tanang angin salasai, lah suko kami malapehnyo.—-Tapi dek geneang pulo nangkodohnyo, basausa malah ujuang tambang, tatagun pasisia di anjuangan… Apolah jinih sangkuiknyo: “Kok datang kami Sutan japuik, pulangnyo mintak Sutan anta”.- Kan iyo baitu tadi sutan ???.-

ALEK
Iyo itu…..

PANGKA
¬Kami kabek padi jo daun, jaweknyo pituah sutan cako : “Adat kan basandi syarak, syarak basandi kitabullah :
Calak ado tajampun lai
Tingga dek bawa manyimpaikan
Sarak ado adatpun lai
Tingga dek awal mamakaikan
Cupak tatagak lah baisi, jo siriah Sutan kami japuik… Syarak lazim hukumlah jaleh, jo doa alek kami lapeh…. Salamaik Sutan pulang-pai, salamaik pulo kami nantingga sakitu sajo dari ambo, rila jo maaf pamanuahi.—-

ALEK
Jadilah, St. Sinaro? ….

PANGKA
Manitah Sutan …..

ALEK
Sapanjang –panjang batang-aiya ston balekok-baliku turun bukik, tadayuak-dayuak disarasah, serak-baserai dinan data, namun lamo jo lambek kasampai juo dimuaro.—-Baitu juo parundiangan kito Stan?…..

PANGKA
Manitah Sutan….

ALEK
Spanjang-panjang batang-aiya stan… balekok-baliku turun bukik, tadayuak-dayuak disarasah, serak-baserai dinan data, namun lamo jo lambek kasampai juo dimuaro.—- Baitu juo parundiangan kito Stan ?…..

PANGKA
Yoooolah ……

ALEK
Dek panjang kecek banyak nan sasek, panjang rundiang banyak nan sumbiang.- Nyampang tagisia bakeh naiak, tagesoh jalan katurun, tasingguang Sutan dijanjang… Taradok salah jo silik, khilaf khilafat, sasek-gawa sumbang jo jangga, maaf juo kapado Sutan, sarato sagalo sipangkalan.- kapado Tuhan ampun dimintak.—- Samo to luluihkan ditanahlakang Stan, kito hanyuikkan dilawik lapeh, dinan luruih kito basimpang….

PANGKA
Nan laiya kito barila-rila, nan batin kito pulangkan bakeh Allah…. Dek siko habih siko, Stan….

ALEK
Bana…. Nan kini jaweklah salam sujuik kami :

Si Upiak siti Raimah
Maambao parian pulang pai
Guuluang lapiak sapulah rimah
Kami bajalan hanyo lai…..

Wassalamu’alaikum, warahmatullahi wabarakatuh ….
Waalaikum salam, warahmatullahi…. (Bersama-sama)